श्री विन्ध्येश्वरी चालीसा
नमो नमो विन्ध्येश्वरी, नमो नमो जगदंब |
संत जनों के काज में, करती नहीं बिलंब ॥
जय जय जय बिंध्याचल रानी ।
आदि सक्ति जगबिदित भवानी ॥
सिंह बाहिनी जय जगमाता।
जय जय जय त्रिभुवन सुखदाता॥
कष्ट निवारिनि जय जग देवी।
जय जय संत असुर सुरसेवी ॥
महिमा अमित अपार तुम्हारी ।
सेष सहस मुख बरनत हारी ॥
दीनन के दुख हरत भवानी ।
नहिं देख्यो तुम सम कोउ दानी ॥
सब कर मनसा पुरवत माता ।
महिमा अमित जगत बिख्याता।।
जो जन ध्यान तुम्हारो लावे ।
सो तुरतहिं बांछित फल पावे ॥
तू ही बैस्नवी तू ही रुद्रानी ।
तू ही सारदा अरु ब्रह्मानी ॥
रमा राधिका स्यामा काली ।
तू ही मात संतन प्रतिपाली ॥
उमा माधवी चंडी ज्वाला ।
बेगि मोहि पर होहु दयाला ॥
तुम ही हिंगलाज महरानी ।
तुम ही सीतला अरु बिज्ञानी ॥
तुम्ही लच्छमी जग सुख दाता ।
दुर्गा दुर्ग बिनासिनि माता ॥
तुम ही जाह्नवी अरु उन्नानी ।
हेमावती अंबे निरबानी ॥
अष्टभुजी बाराहिनि देवा ।
करत बिस्नु सिव जाकर सेवा ॥
चौसट्टी देबी कल्यानी।
गौरि मंगला सब गुन खानी ॥
पाटन मुंबा दंत कुमारी ।
भद्रकाली सुन बिनय हमारी॥
बज्रधारिनी सोक नासिनी ।
आयु रच्छिनी बिंध्यबासिनी ॥
जया और बिजया बैताली ।
मातु संकटी अरु बिकराली ॥
नाम अनंत तुम्हार भवानी।
बारनै किमि मानुष अज्ञानी ॥
जापर कृपा मातु तव होई ।
तो वह करै चहै मन जोई ॥
कृपा करहु मोपर महारानी ।
सिध करिये अब यह मम बानी ॥
जो नर धेरै मातु कर ध्याना ।
ताकर सदा होय कल्याना ॥
बिपति ताहि सपनेहु नहि आवै ।
जो देबी का जाप करावै ॥
जो नर कहे रिन होय अपारा।
सो नर पाठ करे सतबारा ।।
निःचय रिनमोचन होड़ जाई ।
जो नर पाठ करे मन लाई ॥
अस्तुति जो नर पढ़ें पढ़ावै ।
या जग में सो बहु सुख पावै ॥
जाको ब्याधि सतावै भाई।
जाप करत सब दूर पराई ॥
जो नर अति बंदी महँ होई ।
बार हजार पाठ कर सोई ॥
निःचय बंदी ते छुटि जाई ।
सत्य बचन मम मानहु भाई ॥
जापर जो कुछ संकट होई ।
निःचय देबिहि सुमिरै सोई ॥
जा कहँ पुत्र होय नहि भाई ।
सो नर या बिधि करै उपाई ॥
पाँच बरष सो पाठ करावै ।
नौरातर महँ बिप्र जिमावै ॥
निःचय होहि प्रसन्न भवानी ।
पुत्र देहि ताकहँ गुन खानी ॥
ध्वजा नारियल आन चढ़ावै ।
बिधि समेत पूजन करवावै ॥
नित प्रति पाठ करै मन लाई ।
प्रेम सहित नहि आन उपाई ॥
यह श्री बिंध्याचल चालीसा ।
रंक पढ़त होवै अवनीसा ॥
यह जनि अचरज मानहु भाई ।
कृपा दृष्टि जापर है जाई ॥
जय जय जय जग मातु भवानी ।
कृपा करहु मोहि पर जन जानी ॥
॥ श्रीविन्ध्येश्वरीचालीसा सम्पूर्ण ॥
Also Read This:- श्री शाकंभरी चालीसा